hits

Jeanette Haugvik

Denne bloggen tek sikte på å snakka høgt om det andre ikkje vil prate om. Målet er å ufarleggjera og opplysa om psykisk helse. Har sjølv jobba meg gjennom eteforstyrringar og depresjon. Skriv ellers om jentene mine, sambuarlivet og studentlivet.

The golden 30's

  • Publisert: 28.01.2018, 10:30
  • Kategori: Barn
  • Då har eg runda 32 år, hurra!

    For meg er det inga krise å bli eldre. Eg synes livet vert betre og betre..Eller, ja..Altså, eg meiner vel at eg kjenner meg tryggare og tryggare på meg sjølv, kven EG er, kva EG står for og mine behov. Eg har landa litt, endeleg!

    Eg hugsar at eg følte 20-åra som kavete..Då var eg usikker, heile tida på leit etter kven eg var. Å samanlikna meg med andre var noko eg gjorde konstant. Tenkte at «alle andre har jobb, hus, familie, utdanning». Og at alle andre løyste alt på ein så god måte. Dei åra var prega av angst, depresjon og misnøye. No kjenner eg at puslebitane fell meir på plass. Og om eg puslar feil, ja, så er det likevel mitt bilete eg lagar, og det er eg som sit på fasiten.

    Kanskje har eg fått litt fleire rynker no..Men det er fordi eg ler meir, og lever betre. Og med alderen kjem og ein tryggleik på at same kva livet gir deg, så ordner alt seg til slutt.

    -Jeanette

  • Publisert: 28.01.2018, 10:30
  • Kategori: Barn
  • 2 kommentarer
  • Permisjon og jobb

  • Publisert: 13.01.2018, 07:15
  • Kategori: Samliv
  • Hjernen min klarer ikkje heilt å forstå at permisjonen min er over, og det er dags at komma seg ut i litt jobb. Ein del av meg er frustrert over at ein som prematurforeldre ikkje har rett på lenger permisjon. Vesla er jo strengt tatt berre 6 mnd korrigert, og det er uaktuelt at ho byrjar i barnehage no. Samstundes kjenner ho mor at det skal bli godt å nytta litt av seg sjølv til anna enn husvask og bleieskift.

    Om dagen er eg litt ringevikar, utruleg kjekt. Det er gull verdt å ha vener som kan anbefala deg, eit godt tips om du er på jobbjakt. I tilegg skriv eg jo då enda på bacheloren, skal ha eit par eksamenar i mai og syslar ellers på med ymse. Fine dagar! Fast snapper for Aktivemødre har eg også blitt. Det er ein snapkonto av mødre og for mødre, med ein utrulig motiverande og inspirerande gjeng!

    Ha det fint så lenge!

  • Publisert: 13.01.2018, 07:15
  • Kategori: Samliv
  • 2 kommentarer
  • Julebrev 2017

  • Publisert: 23.12.2017, 06:52
  • Kategori: Familie og barn
  • Tradisjon tru er det på tide med årets julebrev, og i år er det jo ekstra stas å kikka tilbake på året som har gått.

    I fjor på denne tida satt eg med ein hemmelighet i magen, og lurte på kven den lille var. At ho skulle vera sååå utålmodig at ho ville koma 3 mnd før tida, hadde me aldri trudd.

    Den dagen i mai kom som eit sjokk på oss alle. Eg hadde gleda meg til mai, for då skulle eg endelig skryta øve at eg var ferdig utdanna..Vel, vesla i magen ville det annleis, og det er jo det livet har krisa rundt dei siste månadane. Ho er altoppslukande!

    Det er også dei tre andre jentene våre! Vekene fyk med så mange fine små, og me er alltid oppteken med noko, om det er dansetrening, handballkampar, turn, turar i skogen, baking osb. Det er høgt under taket, og me er høgt og lågt alle saman. Men, me har det bra! Sjølv i dei mest hektiske tidene klarar me å le saman, tulla og landa litt i den travle kvardagen.

    Det vart inga sommerferie på oss i år, fordi me var på sjukehus med babyen. Men me har god familie som tok seg av jentene då, og dei fekk seg fine veker på sørlandet. Dei fekk også koma bu med meg på sjukehuset. Dei er supre storesystre alle saman!
    Reflektere og omtenksomme er stikkord her.

    Henrik har byrja på skule, han gjer seg klar til å bli barnehagelærar/grunnskulelærar. I tillegg har han tatt vikartimar på ein skule, samt jobba nattevakter. Når han treng å rømma frå kaoset spelar han fotball eller ser Arsenal-kampar. Det er mange krav til den einaste hanen i høneflokken her, men eg må sei han klarer seg fint. Eg lyg om eg seier det ikkje har vore tunge tider, men kva anna er venta etter det hektiske livet me har hatt.

    For min del har året gått i amming og babygulp, men mange fine turar har eg gått, trenar når eg har overskudd, maler litt i huset, og har eit høgt forbruk av garn. I januar leverer eg bacheloren min, og i mai folkens, i mai tar eg mine siste eksamenar! Då må dåke feira med meg at eg er ferdig utdanna!

    No er det godt å kjenna på at me har hovudet over vatn. Ei god venninne sa til meg at det tar tid å læra seg og leva saman, og det rådet tek me med oss.

    Me er spente på kva 2018 vil by på, men eit mål er å ferdigstilla både utdanning og huset, og så ynskjer me veldig at me får oss ein skikkelig ferie.

    Takk for alle gode ord og støtte me har fått, takk til alle som heier på oss! Med dette vil me ynskje alle ei fredelig jul og eit riktig godt nytt år!

  • Publisert: 23.12.2017, 06:52
  • Kategori: Familie og barn
  • 3 kommentarer
  • Time out

  • Publisert: 11.12.2017, 12:52
  • Kategori: Samliv
  • For eit par veke sidan traff Henrik og eg veggen. Å ha 4 barn, jobb, skule og eit hus som skal pussast opp er ingen dans på roser. Me har gått oppå kvarandre, gnissa, vore irritable. Terskelen for å slenga ut spydige kommentarar har vore låg, og det har vore som ein konkurranse i å vera frekkast. Me gjekk faktisk drittlei den andre parten, og til slutt sa eg den vonde setningen;

    «Eg vil du skal flytta ut».

    Å sei det fall meg ikkje lett, men i all frustrasjonen såg eg ingen anna utveg. Lenge hadde me hatt fleire vonde dagar enn gode, og me gjekk i ein negativ spiral.

    Eg tok ein kjempe sjans då eg sa det. Eg kunne risikert å mista han heilt, at eg såra stoltheten hans såpass at han ville gjere det slutt for godt. Men den sjansen måtte eg berre ta når ingen av oss gjorde kvarandre noko godt.

    Men veit du, det var det beste me kunne gjort for forholdet. Me fekk tid frå kvarandre. Me fekk pusta. Kjenna på savn. Kjenna på frihet. Kjenna på kor mykje motparten egentlig bidrog med i kvardagen. Kjenna på at me egentlig treng kvarandre meir enn me likar å innrømma.

    Henrik flytta ikkje så langt, berre rett heim på guterommet. Ganske kjapt hadde me tlf-samtalar der me faktisk høyrte på det motparten hadde å sei. Me gav så kvarandre oppgåver me ville jobba med for å betra forholdet. For, skulle me klara dette, måtte det endring til, ikkje berre tomme ord og lovnadar. Plutselig byrja me å le saman att, og me slo av TVen og byrja trene samen, hadde spelekveldar, laga mat saman, eller berre låg og høyrte på musikk og snakka om laust og fast.

    Kvifor deler eg dette? Jo, fordi eg er lei av det forbanna fasadelivet, der babyliv ser ut som ein fryd og alle er happy all the time. Det er ikkje slik. Ikkje for oss. Det er eit slit, med travle dagar og lite søvn. Det er som me lev to ulike liv, eg her heima, og han på jobb og skule. Når han kjem heim er han sliten og vil slappa av, medan eg vil ut og gjera alt anna enn å vaska hus og skifta bleier.

    Det er framleis eit slit. Men me jobber saman og ikkje mot kvarandre. Me ser kvarandre og kvarandre sine behov. Me gir kvarandre ros, støtte og frihet, og me får vår fine lille familie til å fungera 💖 Eg er faktisk kjempe stolt over oss begge to.
    Korleis får dåke forholdet til å virka? 💖

  • Publisert: 11.12.2017, 12:52
  • Kategori: Samliv
  • 1 kommentarer
  • Vår julekalender

  • Publisert: 29.11.2017, 06:51
  • Kategori: Barn
  • For ei vekes tid sidan delte eg eit innlegg om kampen mot gavekalenderstyret.

    Eg held fast ved den tanken endo, rett og slett fordi eg ikkje likar kjøpehysteriet dagens samfunn legg opp til. Eg vel å hoppa av nett den karusellen.

    Men..Det tyder ikkje at borna mine ikkje skal få kalender. Og eg må innrømma at eg sjølv fekk gavekalender då eg var lita, og den kriblinga i magen om morgonen då me gjekk ned for å opna ein liten gåve, den er jo magisk.

    Så, her er korleis eg gjer det i år, inspirert av ei mor eg såg på ein snap.

    Kvar desember flyttar jo husnissen vår inn, Alvin. Alvin gjer ein ny rampeting kvar dag, og somme stunder gjer han koselege ting. I år har han i tilegg lagt ut mange små hint i form av lapper, som ungane må finna rundt omkring. Ein lapp leier vidare til ein ny lapp osv.

    Jentene får då såleis lesetrening og må jobba litt for å finna dagens kalenderoppgåve.

    Ein kan legga ut så mange hint som ein makter å finna på. På den siste lappen står dagens aktivitet, og det kan vera t.d

    * laga pepperkakekalender
    *sei ein fin ting om deg sjølv
    *sei ein fin ting til søster di
    *gjer ein elev på skulen glad
    *lommelykt-tur med kakao og krem

    Også vidare, også vidare.. Slik tenker eg at borna får ein kalender, lesetrening, og ein ekstra koseleg mnd. Kvar fredag vil dei få ei gåve kvar, men dette vil bli noko dei uansett treng, t.d eit par votter eller tøfler eg skal strikka.

    Har du tips til kjekke ting eg kan skriva på lappane, så legg igjen ein kommentar då! ;)

    #julekalender #juleglede #advendt #husnisse #mammalivet #barn

  • Publisert: 29.11.2017, 06:51
  • Kategori: Barn
  • 7 kommentarer